દેશમાં માર્ગ કનેક્ટિવિટી સુધારવા માટે NHAI હવે ટેકનોલોજીનો સહારો લેવા જઈ રહી છે. હાઈવે પર મુસાફરી વધુ સુરક્ષિત અને સરળ બનાવવા માટે ‘AI બેઝ્ડ ડેશકેમ મોનિટરિંગ સિસ્ટમ’ તૈયાર કરવામાં આવી છે, જે રસ્તાની દરેક હિલચાલ પર રિયલ ટાઈમ નજર રાખશે.
આ સ્માર્ટ રોડ મેનેજમેન્ટ સિસ્ટમમાં AI અને મશીન લર્નિંગનો ઉપયોગ કરવામાં આવશે. ડેશકેમ દ્વારા મળતો ડેટા સેન્ટ્રલાઈઝ્ડ ડિજિટલ પ્લેટફોર્મ પર જશે, જ્યાં અધિકારીઓ રિયલ ટાઈમમાં રસ્તાની સ્થિતિ જોઈ શકશે. વધુ સારા મેનેજમેન્ટ માટે સમગ્ર હાઈવે નેટવર્કને 5 ઝોનમાં વહેંચવામાં આવશે. રસ્તા પરના ખાડા, તિરાડો, ખરાબ માર્કિંગ અને તૂટેલા બેરિયર જેવી 30થી વધુ ખામીઓને AI તરત જ ઓળખી લેશે.હાઈવે પર ગેરકાયદે પાર્કિંગ, દબાણ અથવા તોડફોડ થતાની સાથે જ સિસ્ટમ એલર્ટ મોકલશે.સ્ટ્રીટ લાઈટ, રિફ્લેક્ટર અને સાઈનબોર્ડની સ્થિતિ પર સતત વૉચ રાખવામાં આવશે, જેથી રાત્રે અકસ્માતનો ભય ઘટશે.મેન્યુઅલ તપાસની જરૂરિયાત ઘટશે અને જે-તે સમસ્યાનો ત્વરિત નિકાલ લાવી શકાશે.
આ સિસ્ટમ લાગુ થવાથી વાહનચાલકોને ખાડા મુક્ત રસ્તા, ઓછો ટ્રાફિક જામ અને સુરક્ષિત મુસાફરીનો અનુભવ મળશે. 40 હજાર કિમી લાંબા નેશનલ હાઈવે પર આ પ્રોજેક્ટ સ્માર્ટ ઈન્ફ્રાસ્ટ્રક્ચરની દિશામાં મોટું પગલું સાબિત થશે.
