બેંગલુરુ: જાહેર આરોગ્યના હિતમાં કર્ણાટક સરકારે તમાકુ અથવા નિકોટિનયુક્ત ગુટકા અને પાન મસાલાના ઉત્પાદન, સંગ્રહ, વિતરણ, પરિવહન અને વેચાણ પર સમગ્ર રાજ્યમાં એક વર્ષ માટે પ્રતિબંધ મૂક્યો છે. 15 જૂન, 2026ના રોજ જાહેર કરાયેલા આ આદેશનો અમલ 12 ઓગસ્ટથી શરૂ થયો છે.
ફૂડ સેફ્ટી એન્ડ ડ્રગ એડમિનિસ્ટ્રેશનના કમિશનર દ્વારા ફૂડ સેફ્ટી એન્ડ સ્ટાન્ડર્ડ્સ એક્ટ, 2006ની કલમ 30 હેઠળ આ કાર્યવાહી કરવામાં આવી છે. પ્રતિબંધ પેકેટમાં તેમજ છૂટક મળતા ઉત્પાદનો ઉપરાંત, ગ્રાહકો દ્વારા મિક્સ કરવા માટે અલગથી વેચાતા તમાકુ કે નિકોટિનયુક્ત ઉત્પાદનો પર પણ લાગુ પડશે.આ પ્રતિબંધ આગામી એક વર્ષ સુધી સમગ્ર કર્ણાટકમાં અમલમાં રહેશે.
