સોનગઢ તાલુકાના બેડી નવચંડી ફળિયા રોડ (ઉકાઈ વિસ્તાર) પર ભારે વરસાદના કારણે લો-લેવલ કોઝવે પર કચરો, ઝાડની ડાળીઓ અને માટી જમા થતાં વાહનવ્યવહાર અવરોધાયો હતો. ઘટનાની જાણ થતાં તાપી જિલ્લા વહીવટી તંત્ર અને ડિઝાસ્ટર ટીમે તાત્કાલિક જેસીબી અને સફાઈ કર્મચારીઓની મદદથી કોઝવેની સફાઈ હાથ ધરી હતી. કામગીરી પૂર્ણ થતાં પાણીનો નિકાલ સરળ બન્યો અને રસ્તો ફરી વાહનવ્યવહાર માટે સુરક્ષિત રીતે ખુલ્લો મુકાયો.
