વડાપ્રધાનશ્રી નરેન્દ્ર મોદીએ નોર્વેના પીએમ જોનાસ ગહર સ્ટોરની સાથે વેપાર અને રોકાણ ગ્રીન ટેકનોલોજી અને ઓરેન્જ ઇકોનોમી તથા અન્ય મહત્ત્વના ક્ષેત્રો પર વાત કરી. નોર્વેએ આ પ્રસંગે ભારતમાં આગામી વર્ષોમાં ૧૦૦ અબજ ડોલરનું જંગી રોકાણ કરવાની રજૂઆત કરી. આ રોકાણ ભારતીય કારોબારમાં, ટેકનોલોજીમાં અને ગ્રીન એનર્જી સેક્ટરોમાં કરવામાં આવશે. વડાપ્રધાનશ્રી નરેન્દ્ર મોદીએ જણાવ્યું હતું કે, આખું વિશ્વ અનિશ્ચિતતા અને અસ્થિરતાની સ્થિતિમાંથી પસાર થઈ રહ્યુ છે ત્યારે ભારત અને યુરોપ પોતાના સંબંધોના એક સુવર્ણ યુગમાં પ્રવેશી રહ્યા છે. યુક્રેન હોય કે પશ્ચિમ એશિયા હોય ત્યાં સંઘર્ષની સ્થિતિ છે, આ બધા જ સ્થળોએ યુદ્ધના બદલે ઉકેલ માટે રાજકીય સંવાદ પર વધારે ભાર મૂક્યો હતો.
વડાપ્રધાનશ્રી નરેન્દ્ર મોદીએ ભારત-યુરોપીયન યુનિયન વચ્ચેના મુક્ત વેપાર કરારનો પણ ઉલ્લેખ કર્યો. તેમણે આ કરારને ઐતિહાસિક ટ્રેડ એન્ડ ઇકોનોમિક પાર્ટનરશીપ કરાર ગણાવ્યો હતો. આ કરાર ભારત અને નોર્વે વચ્ચે સંયુક્ત વિકાસ અને સમૃદ્ધિ સુનિશ્ચિત કરવાની બ્લુ પ્રિન્ટ છે. આ કરારમાં આગામી ૧૫ વર્ષમાં ભારતમાં 100 અબજ ડોલરનું જંગી રોકાણ અને 10 લાખ નવી નોકરીઓ પેદા કરવાની ક્ષમતા છે. આજે બંને દેશોએ આ કરારને સક્રિય કરવા માટે કેટલાક મહત્ત્વના નિર્ણયો લીધા છે.
તેમણે આગળ વધુમાં જણાવ્યું હતું કે, આજે અમે ભારત-નોર્વે વચ્ચેના સંબંધોને એક ગ્રીન સ્ટ્રેટેજિક ભાગીદારીનું સ્વરૂપ આપી રહ્યા છીએ. આ વ્યૂહાત્મક ભાગીદારીથી ક્લીન એનર્જીથી લઈને ક્લાઇમેટ રિઝયોલન્સ, બ્લુ ઇકોનોમીથી લઈને ગ્રીન શિપિંગ, દરેક ક્ષેત્રમાં ભારતના સ્કેલ, સ્પીડ અને પ્રતિભાને નોર્વેની ટેકનોલોજી અને કેપિટલ સાથે જોડીને અમારી કંપનીઓ ગ્લોબલ સોલ્યુશન્સ વિકસાવશે. રિસર્ચ, એજ્યુકેશન અને ઇનોવેશન પણ અમારા સંબંધોના મજબૂત પિલર બન્યા છે. આજે અમે સસ્ટેનેબિલિટી, ઓશન એનર્જી, જિયોલોજી અને હેલ્થ જેવા ક્ષેત્રમાં રિસર્ચ ઓપરેશન આગળ વધારવા સંમતિ બનાવી છે. વડાપ્રધાનશ્રી નરેન્દ્ર મોદીએ જણાવ્યું હતું કે, નોર્વે આર્કટિક વિસ્તારનો મહત્ત્વનો દેશ છે. આર્કટિક અને પોલર રિસર્ચમાં લાંબા સમયથી અમારો સહયોગ છે. ભારત આર્કટિક રિસર્ચ સ્ટેશન હિમાદ્રીના ઓપરેશન માટે નોર્વેનું આભારી છે.
ઇસરો અને નોર્વેની સ્પેસ એજન્સી વચ્ચે થઈ રહેલા સમજૂતીપત્ર પર સહીસિક્કા સ્પેસ ક્ષેત્રે આપણા સહયોગને નવા આયામ આપશે. તેમણે જણાવ્યું હતું કે, ભારત-નોર્વેની ગ્રીન સ્ટ્રેટેજિક ભાગીદારી આખા વિશ્વ માટે ફાયદાકારક હશે. તેની સાથે નોર્વે ઇન્ડો-પેસિફિક ઓશન્સ પહેલ સાથે જોડાયું તે માટે આનંદની લાગણી વ્યક્ત કરી હતી. બે મોટા મેરીટાઇમ દેશ હોવાના કારણે આપણે સાથે મળીને મરીન ઇકોમી, મેરીટાઇમ સિક્યોરિટી અને કેપેસિટી બિલ્ડિંગમાં સહયોગ કરશે. બંને દેશો સાથે મળીને બારતના ડિજિટલ પબ્લિક ઇન્ફ્રાસ્ટ્રકચર પ્રોજેક્ટમાં અને માનવ વિકાસમા ફાળો આપશે.
આ પહેલા પીએમ મોદીએ સ્વીડનમાં યુરોપના ટોચના સીઇઓ સાથે મુલાકાત કરી હતી. આ બેઠકમાં યુરોપીયન પંચના વડા ઉર્સુલા વાન ડેર સાથે યુરોપની ટોચની કોર્પોરેટ કંપનીઓના વડા હાજર હતા. પીએમ મોદીના ડાઇનિંગ સામે યુરોપના પાંચ જુદાં-જુદા ક્ષેત્રની ૫૫ વૈશ્વિક કંપનીઓ હાજર હતી. વિશ્વને કનેક્ટિવિટી પૂરી પાડતી વોડાફોન, એરિકસન, નોકિયા અને ઓરેન્જ જેવી કંપનીઓ હતી, જેની નજર ભારતના ડિજિટલ ભવિષ્ય પર છે. પીએમ મોદીએ આ બેઠકમાં ટેલિકોમ અને ડિજિટલ ઇન્ફ્રાસ્ટ્રકચર, એઆઈ અને સેમીકંડક્ટર મેન્યુફેક્ચરિંગ, ગ્રીન એનર્જી અને ઇવી, ઇન્ફ્રાસ્ટ્રકચર મોબિલિટી,હેલ્થકેર અને લાઇફ સાયન્સીઝ પર વધારે ભાર મૂક્યો.તેમણે આ કંપનીઓનો વિશ્વાસ જીતવા દર વર્ષે ભારત-યુરોપી સીઇઓ રાઉન્ડ ટેબલનો પ્રસ્તાવ પણ મૂક્યો.
