નડિયાદનાં ગોવિંદપુરા અને વાવડીમાં રાત્રીના સમયે હારજીતનો જુગાર રમતા ૧૦ જુગારીઓને રૂપિયા ૩૦,૯૬૦ રોકડ સાથે પોલીસે ઝડપી પાડયા હતા. બનાવ અંગે ખેડા ટાઉન પોલીસે ગુનો નોંધી કાયદેસર કાર્યવાહી હાથ ધરી હતી. ખેડા ટાઉન પોલીસ શનિવારે રાત્રે પેટ્રોલિંગમાં હતી. દરમિયાન ગોવિંદપુરા સીમમાં બાવરીમાં કેટલાક ઈસમો પોતાના ફાયદા સારું પત્તા પાનાનો હારજીતનો જુગાર રમી રહ્યા હતા.
જ્યાં પોલીસે રેડ પાડતા જુગાર રમતા રમેશભાઈ શાંતિલાલ ચુનારા, સંજય કાનજીભાઈ દેવીપુજક, રમેશભાઈ મુકેશભાઈ વાઘેલા, રાકેશ દલપતભાઈ વાઘેલા, મહેન્દ્ર ઠાકરસિંહ ગોહિલ તેમજ પ્રવીણભાઈ જેરામ સંઘાણીને જુગાર રમવાના સાધનો તેમજ રોકડ રૂપિયા ૧૫,૨૭૦ સાથે ઝડપી પાડયા હતા. ઉપરાંત વાવડી ચોરા ફળિયામાં સ્ટ્રીટ લાઇટના અજવાળે જુગાર રમતા લાલજીભાઈ ગોરધનભાઈ પરમાર, દિલીપભાઈ જવાનભાઈ, ભરતભાઈ મનુભાઈ તેમજ ખોડાભાઈ કરસનભાઈ પરમારને જુગાર રમવાના સાધનો તેમજ રોકડ રૂપિયા ૧૫,૬૯૦ સાથે ઝડપી પાડયા હતા. બનાવ અંગે ખેડા ટાઉન પોલીસે જુગાર ધારા હેઠળ ગુનો નોંધી કાયદેસર કાર્યવાહી હાથ ધરી હતી.
Users Today : 72
Total Users : 79380
Views Today : 123
Total views : 119169