ઉચ્છલ પાસે મોપેડની ડીકીમાંથી બિયરના જથ્થા સાથે એક યુવક ઝડપાયો

ઉચ્છલ પોલીસ સ્ટેશન વિસ્તારમાં વાહન ચેકિંગ દરમિયાન પોલીસે એક મોપેડ સવાર યુવકને બિયરના જથ્થા સાથે ઝડપી પાડ્યો છે.

પોલીસ સૂત્રો પાસેથી મળતી માહિતી મુજબ, ઉચ્છલ પોલીસ સ્ટેશનના કર્મચારીઓ ફોરેસ્ટ ઓફીસની સામે નવાપુરથી ઉચ્છલ જતા જાહેર રોડ ઉપર વાહન ચેકિંગમાં હતા. તે દરમિયાન મળેલી ખાનગી બાતમીના આધારે પોલીસે એક એપ્રીલા કંપનીની સ્ટોર્મ મોપેડ નમ્બર જીજે/૨૬/એએચ/૧૬૪૮ ને રોકીને તેની તપાસ કરી હતી. મોપેડની ડેકી ખોલીને ચેક કરતા તેમાંથી વગર પાસ-પરમિટની ભારતીય બનાવટની બિયરની ૪ બોટલો મળી આવી હતી. પોલીસે આ મામલે મોપેડ ચાલક આર્યનભાઈ પ્રતાપભાઈ ચૌધરી (ઉંમર વર્ષ ૨૦, રહે. ઉકાઈ રોડ, નવાગામ જમાદાર ફળીયું, તા. સોનગઢ) વિરૂદ્ધ ગુનો નોંધી મુદ્દામાલ કબજે કર્યો છે.

Author: Gujarat Samrajya