સુરત ગ્રામ્ય એલ.સી.બી ટીમે નેશનલ હાઈવે નંબર ૫૩ પર એના ગામની હદમાં નાકાબંધી દરમિયાન દારૂની હેરાફેરીનો પર્દાફાશ કર્યો છે. દમણથી સુરત તરફ જઈ રહેલી એક ફોર્ડ ફીગો કાર માંથી રૂ.૧,૬૩,૫૧૨ ની કિંમતની વિદેશી દારૂ અને બીયરની ૧૦૮૦ બાટલીઓ ઝડપી પાડવામાં આવી છે.
પોલીસે ઘટનાસ્થળેથી પારડી (વલસાડ) ના વતની નયનેશ મનુભાઈ ગજ્જર અને જિતેન્દ્રભાઈ પ્રમોદભાઈ પટેલની ધરપકડ કરી છે. પોલીસે દારૂ, કાર, બે મોબાઈલ ફોન અને રોકડ રકમ મળીને કુલ રૂ.૪,૭૩,૯૦૨ નો મુદ્દામાલ કબ્જે કર્યો છે.
પ્રાથમિક તપાસમાં દારૂનો આ જથ્થો મોકલનાર વલસાડના વિકી ગણેશભાઈ પટેલ અને ચિરાગ હર્ષદભાઈ પટેલના નામ ખુલતા તેમને વોન્ટેડ જાહેર કરી આગળની કાનૂની કાર્યવાહી હાથ ધરવામાં આવી છે.
